नेपालगन्ज । नेपालगन्जमा एक साथ दुई वटा बसमा आगलागी भएको छ।नेपालगन्जको वडा नम्बर ४ बाइपासमा रोकिराखेका दुई बसमा मंगलबार दिउसो भिषण आगलागि भएको छ । ग्यारेजमा रोकी राखेका दुई वटा बस आगलागिका कारण जलेर खरानी भएको छ ।

Advertisement

ना ४ ख ७०२४ र ना ५ ख २४६५ नम्बरको बस जलेर खरानी भएको जिल्ला प्रहरी कार्यालय बाँकेले जनाएको छ । बेल्डिङ गर्ने क्रममा आगलागी भएको हुनसक्ने प्रहरीले अनुमान गरेको छ ।

बसमा आगलागि भएलगत्तै नेपालगन्ज र कोहलपुर बारुण यन्त्रलाई खबर गरिएको थियो । खबर पाए लगत्तै घटनास्थलमा पुगेका दुई वटा दमकलले बसमा लागेको आगलागी नियन्त्रणमा लिएका थिए ।

स्थानीय, दमकल कर्मचारी, नेपाल प्रहरी, सशस्त्र प्रहरीको अथक प्रयास पछि आगो नियन्त्रणमा आएको थियो ।