चितवन । काकडभिट्टाबाट काठमाडौं आउँदै गरेको यात्रु बस  त्रिशूलीमा दुर्घटना हुदा मृत्यु हुनेहरुको संख्या ५ पुगेको छ । दुर्घटनामा २९ जना घाइते भएका छन् ।

Advertisement

ना ७ ख ४३८७ नम्बरको बस गजुरी नगरपालिका ६ बन्छेटार भन्ने स्थानबाट आइतबार बिहान त्रिशूली नदीमा खसेको थियो । बसको केही भाग नदीमा डुबेको छ ।

दुर्घटनामा मृत्यु भएकामध्ये चार जनाको शव बाहिर निकालिएको र एक जनाको शव पानीमै रहेको प्रदेश नम्बर ३  प्रहरीले जानकारी दिएको छ। ‘मृतकमध्ये २ जना महिला, २ जना पुरुष छन् । एक जनाको शव भने पानीमै रहेकाले निकाल्ने प्रयास भइरहेको छ ।’

दुर्घटनामा घाइते भएका २९ जनामध्ये ३ जनाको अवस्था गम्भीर छ। उनीहरुलाई उपचारका लागि काठमाडौं पठाइएको छ । अन्यको गजुरी, आदमघाट र गल्छीका अस्पताल तथा हेल्थपोष्टहरुमा उपचार भइरहेको छ ।