नेपालगन्ज ।नेपालगन्जमा स्कुटर दुर्घटनामा एक जनाको मृत्यु भएको छ।सोमबार  दिउँसो भएको स्कुटर दुर्घटनामा एकजनाको मृत्यु भएको छ । अर्का एकजना गम्भीर घाइते भएका छन् ।

Advertisement

नेपालगन्ज उपमहानगरपालिका  २१  तेलनीपुरुवा भन्ने ठाउँमा सोमबार दिउँसो साढे दुई बजे तिर भे ५ प ४३१४ नम्बरको स्कुटर दुर्घटना हुँदा स्कुटरमा सवार नेपालगन्ज २० का ४७ बर्षिय जाहेद अलि मनिहारको मृत्यु भएको प्रहरीले जनाएको छ ।

स्कुटर चालक मनिष चौधरी घाइते भएका छन्  । उनको नेपालगन्ज मेडिकल कलेजमा उपचार भइरहेको छ । प्रहरीका अनुसार, तीब्रगतिको स्कुटर अनियन्त्रित भएर पल्टिएको हो ।