डोल्पा ।यार्सागुम्बा खोज्न गएकाहरु मध्य तीन जनाको मृत्यु भएको छ। शे फोक्सुण्डो गाउँपालिकामा पर्ने यार्सागुम्बा पाटनमा यार्सा टिप्न गएकाहरुमा जाजरकोटका दुईजनाको  मृत्यु भएको हो । मृत्युहुनेमा बारेकोट गाउँपालिका वडा नं १ का १८ वर्षीय कृष्ण बिक र जाजरकोट जिल्लाकै २२ वर्षीय रमेश चलाउने रहेको जिल्ला प्रहरी कार्यालय डोल्पाले जनाएको छ । उनीहरुको लेक लागेर मृत्यु भएको हो।

Advertisement

लेक लागेर बिरामी परेका चलाउनेको बिहीबार प्यारी भोक्पा यार्सागुम्बा पाटनमै मृत्यु भएको र बिकको उपचारको क्रममा ल्याउँदै गर्दा शनिबार बिहानै फोक्सुण्डो ताल नजिक पर्ने रिग्मो गाउँमा मृत्यु भएको प्रहरीले जनाएको छ ।

यसअघि बिहीबार दुना यार्सापाटनमा भिरबाट लडेर ठूलीभेरी नगरपालिका १ का ३८ वर्षीय बुद्धी कार्कीको मृत्यु भएको थियो ।