नेपालगन्ज ।बाँके जिल्ला लिग फुटबलको उपाधी धम्बोझी क्लबले पाएको छ। बाँके जिल्ला फुटबल संघको आयोजनामा गत जेठ २५ गते देखि सुरु भएको फुटबल खेलको आज भएको फाइनलमा धम्बोझीले मोडेल टिम सिगाउँलाई शुन्यकाबिरुद्ध २ गोल गर्दैै उपाधी हात पारेको हो।

Advertisement

प्रतियोगितामा धम्बोझी क्लवका विशाल थापाले १९ औ मिनेटमा र ब्यापक राज शाहीले ३६ औं मिनेटमा गोल गरेका थिए भने मोडेल टिमले कुनै गोल गर्न सकेन ।

उपाधी बिजेता धम्बोझी क्लबले ट्रफि, मेडल, प्रमाणपत्रसहित २१ हजार नगद प्राप्त गर्यो भने मोडेलले ११ हजार नगदसहित प्रमाणपत्र, प्राप्त गरेको छ । यसैगरी खेलको उत्कृष्ठ खेलाडिमा धम्बोझी क्लवका प्रविण कुमार सुनार घोषित भएका थिए ।

विजयी टिमलाई प्रहरी तालिम केन्द्र कर्णाली प्रदेश हाल नेपालगन्जका समादेशक ,नेपालगन्ज उपमहानगरपालिका वडा नं १ का वडा अध्यक्ष प्रमोद रिजाल लगायत बाँके जिल्ला फुटवल संघका अध्यक्ष भोजराज शाहीलगायतले पुरस्कार बितरण गरेका थिए । प्रतियोगिता नेपालगन्ज तालिमकेन्द्रको फुटबल मैदानमा सम्पन्न भएको थियो।