नेपालगन्ज ।नेपालगन्जका इलेक्ट्रोनिक्स व्यवसायी अर्जुन खड्काको सवारी दुर्घटनामा निधन भएको छ ।उनको शुक्रवार साझ ६ बजे बाँसगढी नगरपालिकाको बैैैदि भन्ने स्थानमा मोटरसाइकल दुर्घटना भएको हो।इलाका प्रहरी बाँसगढीका प्रहरी निरीक्षक बसन्त गौतमका अनुसार खडका सवार  मोटरसाइकललाइ बिपरित दिशाबाट आएको अर्को मोटरसाइकलले ठक्कर दिएको हो।गम्भीर घाइते खड्काको उपचारका लागि ल्याउँदै गर्दा बाटैमा निधन भएका हो ।
उनीसँगै मोटरसाइकलमा उनका साथीको हात भाचिएको छ।उनको नेपालगन्ज मेडिकल कलेजमा उपचार भइरहेको छ। नेपालगन्जका व्यवसायीहरु बीच निकै लोकप्रिय र हसिला मोबाइल व्यवसायी अर्जुनको निधनपछि व्यवसायी क्षेत्र स्तब्ध बनेका छन् ।ठक्कर दिनेे मोटरसाइकलका चालक पनि घाइते भएको हुँदा उनलाई प्रहरीको नियन्त्रणमै अस्पतालमा उपचार भइरहेको छ।

Advertisement

मृतक खड्काको दाहसंस्कार आज गरिने भएको छ । खड्को पार्थिव शरिर हिजो राती नर्सिङ्ग होम राखिएको थियो । खड्काको घर नेपालगन्ज–१२ कोरियनपुर भेरी प्राविधिक शिक्षालय पछाडी रहेको छ । उहाँका पत्नी र एक छोरा रहेका छन् ।