नेपालगन्ज।चर्चित थारु गायक विश्वसागर परियारको छोरी आइसा परियारको जन्मोत्सवमा थारु कलाकारहरु झुमेका छन् । दर्जन बढि चर्चित चर्चित थारु कलाकारहरुले गायक विश्व सागरको छोरीको जन्मदिन (बर्थ डे) मा झुमी झुमी रमाएका छन् ।

Advertisement

गायक परियारको छोरी आइसा तेश्रो बर्षमा प्रवेश गरेको अवसरमा कोहलपुर नगरपालिका कौशिलानगर स्थित आफ्नै निवासमा जन्मोत्सव मनाईएको हो । जन्मदिनमा थारु कलाकार मंचका केन्द्रिय सदस्य दिपक चौधरी, जिल्ला अध्यक्ष सोहन थारु, थारु मोडल तथा डाइरेक्टर विवश चौधरी, मोडल सन्दिप विसी, रमेश चौधरी, थारु चर्चित मोडेल सुनिता दहित, विकास परियार, कलाकार कुन्दन चन्द, केशल चालिसे, निलम चौधरी, जेनिशा चौधरी, मोडल राजकुमार चौधरी, मनोज चौधरी लगायतले बेजोड प्रस्तुती देखाएका थिए ।

साँझ ७ बजेदेखि सुरु भएको जन्मोत्सव कार्यक्रम राती २ बजेसम्म कलाकारहरुले विभिन्न किसिमका प्रस्तुतीहरु देखाएका थिए । कलाकारहरुले कमेडी, युगल, हिपप, हिन्दी, नेपाली, थारु लगायतका गितहरुमा आ आफ्नो प्रस्तुतीहरु प्रर्दशन गरेका थिए । जन्मोत्सव कार्यक्रममा नेपाल पत्रकार महासंघ बाँके शाखाका अध्यक्ष ठाकुर सिंह थारु, सदस्य भगतराम थारु, पत्रकार प्रेम सिंह एसके लगायत स्थानिय समाजसेवी, बुद्धिजिवी, अगुवाहरुको सहभागिता रहेको थियो ।