नेपालगञ्ज ।नेपालगञ्जमा पत्रकाहरुमाथी आक्रमण भएको छ।नेपालगञ्जमा क्रियाशिल तीन जना पत्रकारलाई नेपालगञ्जको बाटिका होटलमा दुव्र्यवहार सहित हातपात गरिएको छ । एभिन्यूज टेलिभिजनका ब्यूरो प्रमुख दुर्गा रोकाय, पत्रकार जागेश्वर चौधरी र भिम पौडेललाई बुधबार दिउसो होटल परिसरमा कुटपिट गरिएको हो ।होटलका कर्मचारीले कुटपिट गर्नेक्रममा एभिन्यूज टेलिभिजनको क्यामरा र पत्रकारहरुको मोवाईल समेत क्षतिग्रस्त भएको छ । केही समयपहिले होटल बाटिकाबाट भारतीय सेनामा भर्ना गराईदिने भन्दै युवासँग रकम लिएको समूह ३५ लाख रुपिया सहित पक्राउ परेको थियो । सोही समाचारको पिटिसी लिनेक्रममा होटल बाहिर होटलका कर्मचारीहरुले फुटेज डिलिट गर्न भन्दै पत्रकारहरुलाई हातपात र क्यामरा खोसेका थिए । उनीहरुले पत्रकार रोकायलाई कुटपिट गर्दै नियन्त्रणमा समेत राखेका थिए ।
जिल्ला प्रहरी कार्यालय बाँकेका प्रमुख प्रहरी उपरीक्षक वीरबहादुर वलीले पत्रकारहरुलाई कुटपिट गर्ने होटलका कर्मचारी भुवनबहादुर खड्का सहित दुईजना पक्राउ गरिएको जानकारी दिनुभयो । यसैबीच बाँकेका पत्रकारहरुले एसपी वलीलाई भेटेर पत्रकारलाई कुटपिट गर्नेलाई कडा कारवाहीको माग गरेका छन् ।

Advertisement