काठमाडौं । पेस्तोलसहित तीन जना पक्राउ परेका छन् । काठमाडौंको महानगरीय प्रहरीले नयाँ बसपार्कको एक होटेलबाट  इटालियन पेस्तोलसहित तीन जनालाई पक्राउ गरेको छ।

Advertisement

पक्राउ पर्नेमा नुवाकोट लिखु गाउँपालिका–४ का २९ वर्षीय प्रितम राई, ३७ वर्षीय रामकुमार राई र भारत दार्जिलिङ घर भई हाल काठमाडौं टोखा बस्ने ३६ वर्षीय सविन खवास रहेका छन्।

हतियारसहित केही व्यक्तिहरू होटलमा रहेको जानकारी पाएपछि गएको टोलीले ‘मेड इन इटाली’ लेखिएको अटोमेटिक पेस्तोलसहित तीन जनालाई पक्राउ गरेको हो। उनिहरुलाई  महानगरीय प्रहरी परिसर टेकुमा राखी अनुशन्धान भइरहेको प्रहरीले जनाएको छ।