कैलाली । धनगढीको निलम होटेलमा बम विस्फोटमा परेेेका एक जनाको मृत्यु भएको छ।धनगढी उपमहानगरपालिका ४, शहीद गेटस्थित नीलम होटलमा बिहीबार भएको बम विस्फोटमा  ४ जना घाइते भएका छन् ।

Advertisement

विस्फोटमा परी गम्भीर घाइते राम सिंहको धनगढीस्थित माया मेट्रो अस्पतालमा उपचारका क्रममा गएराति ११ बजे मृत्यु भएको जिल्ला प्रहरी कार्यालय कैलालीले जानकारी  दिएको छ ।
प्रहरीका अनुसार, आफैंले बोकेको बम विस्फोट हुँदा सिंहको कम्मर पछाडिको भागमा गम्भीर चोट लागेको थियो ।

सिंह बझाङका स्थायी बासिन्दा हुन् । उनी विप्लव समूहको कार्यकर्ता भएको प्रहरी भनाइ छ ।

बम विष्फोटमा कञ्चनपुरको बेलौरी–५ का लक्ष्मण सेरला, मोबिन खान, जितेन्द्र यादव र धनगढी–४, बोराडाडीका केशवराज पाण्डे घाइते भएका छन् । उनीहरू सबैको माया मेट्रो अस्पतालमा उपचार भइरहेको छ । घटना सम्बन्धमा प्रहरीले बिशेष अनुसन्धान थालेको छ।