नेपालगन्ज । नेपालगन्जको जमुनहा नाकाबाट एक जना भारतीय  ब्राउन सुगर सहित पक्राउ परेका छन्। रुपइडिहाबाट नेपालगन्ज तर्फ अन्दाजी ७ ग्राम ब्राउन सुगर ल्याउदै गरेका रुपइडिहा स्थित चकिया रोड, आदर्शनगरका २२ बर्षका इरफान शेखलाई पक्राउ गरेको जमुनहा प्रहरी प्रमुख प्रहरी नायब निरीक्षक माधब रिजालले जानकारी  दिएका छन् । उनलाई शनिबार दिउँस २:४५ बजे को  समयमा जमुनहा सुरक्षा जाँच गर्ने स्थानबाट पक्राउ गरिएको हो।शेखले ब्राउन सुगर ल्याउदै छन् भन्ने बिशेष सुचना पाए लग्गतै प्रदेश ५ को अनुसन्धान टोलि र जमुनहा प्रहरीको संयुक्त टोलिले जाँच गर्दा  रङ्गेेहात ब्राउन सुगर फेला परेको हो। नायब निरीक्षक रिजालका अनुसार निज शेखले एक पोका बराबर ५०० रुपैयाँ लिएर नेपालगन्ज ब्राउन सुगर पुर्याउने गरेका थिए। शेखलाई अहिले जमुनहा प्रहरी कार्यालयमा राखिएको छ।

Advertisement