बाजुरा। मध्यरातमा आएको पहिरोले दुई जनाको ज्यान लिएको छ।लगातारको भारी वर्षाका कारण बाजुराको गौमुल गाउँपालिका–६ बसालाको शान्तिटोलमा पहिरोमा परी दुई जनाको ज्यान गएको छ ।

Advertisement

ज्यान जानेमा शान्तिटोलका एकैघरमा आमा र छोरी रहेका छन् । पहिरोमा परेर ३० वर्षीया आमा निरुता चदारा र छ वर्षीया छोरी किस्मिता चदाराको ज्यान गएको जिल्ला प्रहरी कार्यालय बाजुराले जानकारी दिएको छ।

राति करीब १ बजेतिर घरमाथिबाट पहिरो खसेको बताइएको छ ।पहिरोमा परी थप पाँच घाइते भएका छन् । घाइते हुनेमा ९० वर्षीय जङ्गे चदारा, जडेनी चदारा, सुके चदारालगायत छन् । जङ्गे चदाराको गौमुल गाउँपालिकाको घटमुना शहरी स्वास्थ्य केन्द्रमा उपचार भइरहेको प्रहरीको भनाइ छ ।