नयाँ दिल्ली ।भारतको कश्मिर राज्यका दुई पूर्व मुख्यमन्त्रीहरु  नजरबन्दमा परेका छन् ।मोदी सरकारले कश्मिरमा फोन र इन्टरनेट समेेेत बन्द गरिदिएको छ भने राज्यका दुई पूर्व मुख्यमन्त्रीहरुलाई घरमै नजरबन्दमा राखेको छ।

Advertisement

पुर्व मुख्यमन्त्रीहरु ओमार अब्दुल्लाह र मेहबुबा मुफ्तीलाई उनीहरुको घरमै गए रातिदेखि नजरबन्दमा राखिएको छ।

प्रमुख प्रतिपक्षी दल कंग्रेस आई र कम्युनिष्ट पार्टीका केहि नेतालाई पनि गिरफ्तार गरिएको भारतीय सञ्चार माध्यमले जनाएका छन्।

भारतीय कश्मिर सहरका धेरैजसो ठाँउमा ल्याण्डलाइन फोन, मोवाइल र इन्टरनेट पनि काटिएको जनाएको छ।श्रीनगर जिल्लाभरीनै सेना र सुरक्षा फौजको गस्ती बढाइएको छ भने सबै शैक्षिक संस्थाहरु बन्द गरिएको छ। कश्मिरमा कर्फ्यु घोषणा नगरिएपनि कुनै पनि प्रकारको भेला तथा र्याली गर्न प्रतिबन्ध लगाइएको छ।केन्द्र सरकारले यस अघिनै कश्मिरमा रहेका पर्यटक र पाहुनाहरुलाई श्रीनगर छाडेर फर्किन सुचना जारी गरेको थियो।