पोखरा । पहिरोले पुरिएर एक जनाको मृत्यु भएको छ। पहिरोमा परि अन्य दुईजना बेपत्ता भएका छन् ।बागलुङको तमानखोला गाउँपालिका ४ लाम्मेलामा पहिरोले घर पुरिँदा १ जनाको मृत्यु भएको छ । अन्य २ जना हराइरहेका छन् ।

Advertisement

अविरल वर्षापछि गएराति आएको पहिरोले घर पुरिँदा ४५ वर्षीया पञ्चकुमारी श्रीपालीको मृत्यु भएको हो ।जिल्ला प्रहरी कार्यालय, बागलुङले दिएको जानकारी अनुसार, पहिरोमा परी २ जना हराइरहेका छन् । पहिरोमा लाम्मेलाकी असारी श्रीपाली र उनका १२ वर्षीय छोरा प्रवीण बेपत्ता भएका हुन् ।