दार्चुला । बाघको छालासहित प्रहरीले एक जना सशस्त्र प्रहरी जवानलाई पक्राउ गरेको छ ।दुहुँ गाउँपालिका ३ तिमुरपाटा क्षेत्रमा नियमित गस्तीमा खटिएको प्रहरी टोलीले दुहुँ २ हिकिलाबाट खलङ्गा ल्याउँदै गरेको बाघको छालासहित सोही ठाउँका जवान दीपकसिंह बडाललाई पक्राउ गरेको हो ।

Advertisement

प्रहरी चौकी ब्रह्मदेवले चेकजाँचको क्रममा बडालबाट ३९ इञ्च लामो तथा १० इञ्च चौडा छाला बरामद गरेको प्रहरी निरीक्षक रवीन्द्र कठायतले जानकारी दिनुभयो ।

हिकिला २ का बडाल दार्चुलास्थित सशस्त्र प्रहरी सुरक्षा गुल्म नम्बर ५० मा जवान पदमा कार्यरत छन् । झोलामा लुकाएर ल्याउँदै गरेको अवस्थामा छाला बरामद गरिएको हो।