नेपालगञ्ज । नेपालगञ्जमा आजदेखि दश हजार विरुवा रोप्ने अभियान शुरु भएको छ । शहरी विकास मन्त्री मोहम्मद इस्तियाक राईले आज जमुनाहास्थित सडकको ग्रीनबेल्टमा विरुवा लगाउँदै दश हजार विरुवा रोप्ने अभियानको उद्घाटन गर्नुभयो । बृहत् बृक्षारोण कार्यक्रमको उद्घाटन गर्दै मन्त्री राईले सातै वटा प्रदेशमा यस्तो अभियान सुरु हुने जानकारी दिनुभयो।उहाँले देशलाई नै हराभरा बनाउन सात वटै प्रदेशका मुख्य ७ शहरहरुमा रुख रोप्ने कार्यक्रम अन्तर्गत् नेपालगञ्जबाट पाइलट प्रोजेक्टका रुपमा बृक्षारोपण कार्यक्रम शुरु भएको बताउनुभयो । सहरी विकास मन्त्रालयको अग्रसरतामा रुख रोप्ने अभियान थालिएको मन्त्री राईले जानकारी दिनुभयो । नेपालगञ्ज उपमहानगरपालिकाका मेयर डा.धवल शमशेर राणाले विरुवा रोप्ने जग्गा उपलब्ध गराउनुका साथै विरुवाहरुको संरक्षण पनि गरिने बताउनुभयो । सडक पेटी, सरकारी कार्यालय र सार्वजनिक जग्गामा बृक्षारोपण गरिनेछ ।

Advertisement