काठमाडौं ।नेपाली राष्ट्रिय क्रिकेट खेलाडी   सन्दीप लामिछानेले अन्ततः अमेरिकाको भिसा पाएका छन्। मंगलबार विहान भिसा दिन अस्वीकार गरेको अमेरिकी दूतावासले तीन घन्टापछि भिसा दिएको छ।

Advertisement

नेपाली टिमका व्यवस्थापक रमन सिवाकोटीले सन्दीपले भिसा पाएको सेतोपाटीलाई जानकारी दिए।

यसअघि सन्दीपले क्यारेबियन प्रिमियर लिग (सिपिएल) २०१९ खेल्न अमेरिका हुँदै जानका लागि मंगलबार काठमाडौंस्थित अमेरिकी दूतावासमा भिसा अप्लाई गरेका थिए।

सबै कागजात समावेश गर्दागर्दै पनि आफूलाई भिसा नदिएकोमा अचम्म लागेको भन्दै सन्दीपले ट्विटरमा पोस्ट गरेका थिए।