नेपालगन्ज । गत बिहिबार राती मोटरसाइकलको ठक्करबाट  नेपालगन्जमा एक जना ब्यक्तीको मृत्यु भयो। मृत्यु भएका अन्दाजी ३८-३९ बर्ष उमेरका ब्यक्तीको शुक्रवार राती मात्रै सनाखत भएको छ। मृतक दैलेख जिल्ला नारायण नगरपालिका ४ काा कर्ण बहादुर खड्का रहेको खुुुल्न आएको  नेपालगन्ज मेडिकल कलेजका प्रहरी प्रमुख नरेश डागीले बताए।खड्कालाई बिहिबार राती १० बजे कोहलपुरदेखि नेपालगन्ज आउँदै गरेको भे ३ प ९५७६ नम्बरको मोटरसाइकलले नेपालगन्जको कारकादो नजिक पैदैल हिड्नेे क्रममा  ठक्कर दिएको थियो। ठक्कर पश्चात् घाइतेलाई उपचारका लागि मेडिकल कलेज नेपालगन्ज ल्याइएको थियो। त्यहाँ पनि उपचार सम्भब नभए पछि थप उपचारका लागि लखनउ लग्ने क्रममा सिमावर्ती बजार रुपइदिहामा बिहिबार राती २ बजे निजको मृत्यु भएको थियो। मृत्यु पछि शबलाई नेपालगन्ज मेडिकल कलेजको रेफ्रीजिरेटरमा राखिएको छ। मृतक  खड्का काम बिशेषले नेपालगन्ज आएको खुल्न आएको छ।

Advertisement