पर्सा। एक जना स्कुले किशोरीमाथी एसिड प्रहार भएको छ। वीरगञ्ज महानगरपालिकामा १५ वर्षीया किशोरीमाथि शुक्रबार बिहान एसिड प्रहार भएको छ।बिहान ६ बजेतिर त्रिभुवन हनुमान माविमा कक्षा ९ मा पढ्ने मुस्कान खातुनमाथि एसिड हानिएको हो।महानगरपालिकाको वडा नम्बर ६ स्थायी घर भएकी खातुन अहिले वडा नम्बर ३ स्थित मामाघरमा बस्दै आएकी थिइन्।सोही स्थानका सम्साद मिया तथा माजिद आलमले विद्यालय जाँदै गरेकी खातुनलाई गणेशमान चोकमा एसिड प्रहार गरेको पर्सा एसपी सोमेन्द्र सिंह राठाैरले जानकारी दिएका छन् ।

Advertisement