नरैनापुर/ बाँके । नरैनापुर गाउँपालिकामा पहिलो पटक  उत्कृष्ट कार्य गर्ने ५ जना कर्मचारी सम्मानित भएका छन् ।सम्मानित हुनेमा सर्वोत्कृष्ट कर्मचारी २०७६ बाट एचए नविन बुढाथोकी क्षेत्री रहनुभएको छ । क्षेत्रीलाई १० हजार नगद, सम्मानपत्र र दोसल्लाले सम्मान गरियो । यस्तै उत्कृष्ट कर्मचारी २०७६ बाट अनमी विद्या राना, एचए सद्दाम खाँन, वडासचिव जिवनलाल यादव र सहायक चौथौ कर्मचारी जयप्रकाश पाठक रहनुभएको छ । उत्कृष्ट ५ जना कर्मचारीलाई नगद ५ हजार, सम्मानपत्र र दोसल्लाले सम्मान गरिएको थियो । गाउँपालिकाका अध्यक्ष ईश्तियाक अहमद शाह, उपाध्यक्ष जयन्तीदेवी श्रीवास्तव र गाउँपालिकाका प्रमुख प्रशासकिय अधिकृत दलबहादुर बस्नेतले सम्मान गर्नुभएको थियो । नरैनापुरमा पहिलोपटक कर्मचारी सम्मान गरिएको बताउँदै प्रशासकिय प्रमुख बस्नेतले यस्ता कार्यक्रमले कर्मचारीमा हौसला बढ्ने बताउनुभयो । उहाँले निजामती कर्मचारीबाहेक गाउँपालिका अन्तर्गतका शिक्षकशिक्षीकालाई सम्मान पनि गरिने कार्यक्रम रहेको बताउँदै असल गुरुबाट छिटै शिक्षकलाई सम्मान गरिने बताउनुभयो।

Advertisement