नेपालगन्ज । नेपाल विद्यार्थी संघ बाँकेले आज बिशाल जुलुशसहित प्रदर्शन गर्ने भएको छ। नेबिसंघ बाँकेको आयोजनामा  सितापुर घटनाको बिरोधमा आज नेपालगन्जमा बिरोध जुलुश निकाल्न लागेको हो। गत बिहिवार नेपाली कांग्रेसको दोस्रो जनजागरण कार्यक्रम नेकपाका कार्यकर्ताले बाँके  काँग्रेस पार्टी सभापति किरण कोइरालासहित अन्य कार्यकर्ताहरुलाई आक्रमण गरेको बिरोधमा नेबिसंघ बाँकेले आज आन्दोलन गर्न लागेको अध्यक्ष पुर्ण प्रसाद आचार्यले बताए। आक्रमणकारी पक्राउ नपरेे सम्म नेपाली कांग्रेसले बिरोध आन्दोलनको घोषणा गरिसकेको छ। अध्यक्षआचार्यका अनुसार बिरोध जुलुश  बिहान ११ बजे पार्टी कार्यालयदेखि जिल्ला प्रशासन कार्यालय सम्म गरिने भएको छ। आजको बिरोध जुलुशसहितको प्रदर्शनमा नेपाली कांग्रेस लगायत सबै पार्टीका भातृसंगठनले साथ दिने भएका छन् ।

Advertisement