नेपालगन्ज  । नेपालगन्ज उपमहानगरपालिकाका  ४ का वडा अध्यक्ष मोहम्मद सफिक बेहनाले आफ्नो वडामा जिम्मेवारीमा रहेको बसपार्क ठेकेदारको कमीकमजोरीको कारणले ढीला भएपनि हाल उपभोक्ता समिति निमार्ण गरी काम अगाडि बढाएकोले आउने असोज १५ गते भब्य कार्यक्रम सहित प्रदेश नम्बर ५ का मुख्य मन्त्री र मेयर मार्फत उदघाटन गरिने समेत बताएका छन । नेपालगन्ज उपमहानगरपालिकाका अन्तर्गत रहेको बसपार्क सन्चालनमा आएपछि २०० देखी २५० वटा बस ले पार्क गर्न सक्ने समेत जनाए।
वडा न ४ मा रहेको सम्पुर्ण बजेट १ करोड ६४ लाख ३ हजार रकम मध्य स्वास्थ्य , शिक्षा, बाटो, सरसफाइ र अन्य बिकासका क्षेत्रमा उपयोग गरिने र ठुला बिकाशको लागी केन्द्र प्रदेश तथा उपमहानगरपालिका संग समुन्वय गरी वडाको बिकासलाई तीब्र गतिले अगाडी बढाउने बताए ।
आफु मुस्लिम धर्म संग आबद्ध भएपनि हिन्दु धर्म मान्नेलाई बिबाह गरेर समुदायमा फरक पहिचान बनाएका अध्यक्षले आफुले इमानदारीपूर्वक अगाडी बढेका कारणले जनताको सहयोग रहेको र समाजबाट बिकासका क्षेत्रमा कुनै पनि ठुलो चुनौती भोगनु नपरेको दाबि गरे ।
आफुले प्राप्त गर्ने सरकारी तलब सबै सामाजिक क्षेत्रमा प्रयोग गर्ने र समुदायमा दुख पिडामा रहेका लाई सहयोग गर्ने गरेको समेत जानकारी दिएका छन् ।
अनिल कपुरको हिन्दी फिल्म नायकबाट राजनीतक प्रेरणा पाएका उनिले समुदायलाई सधै साथमा लिएर अगाडि बढ्ने र आफ्नो वडालाई सफा सुग्घर राख्ने अनि भष्ट्राचारको अन्त गर्ने कुरामा समेत जोड दिएका थिए । उनी एक  सफल वडा अध्यक्षका रुपले नेपालगन्जमा चिनिएका छन् ।

Advertisement