दुई किलो चरेससहित दुई जना पक्राउ

प्रकाशित मिति : २०७६, २० आश्विन सोमबार ११:११

डडेल्धुरा । दशै लक्षित सुरक्षा योजना चुस्तदुरुस्त राखेकै बेलामा डडेल्धुरामा दुई किलो ७ सय ग्राम अवैध लागूऔषध चरेससहित दुई जनालाई प्रहरीले पक्राउ परेका छ । लागूऔषधसहित पक्राउ पर्नेमा अमरगढी नगरपालिका ७ भाटगाउँका शेरबहादुर भण्डारी र अमरगढी ६ भालुमारेका वीरबहादुर बोहरा छन्।दशरथचन्द्र राजमार्गस्थित अमरगढी खोस्रेखानमा सवारीसाधन चेकजाँच गर्ने क्रममा भण्डारीले चलाइराखेको गरेका से ३ प ४५३१ नम्बरको मोटरसाइकलमा भण्डारीको झोलाबाट ७ सय ग्राम चरेस फेला परेको जिल्ला प्रहरी कार्यालय डडेल्धुराले जानकारी दिएको छ। अमरगढी ६ भालुमारेका वीरबहादुर बोहराको घरबाट दुई किलो चरेस फेला परेको उनले बताए । पक्राउ परेका दुवैजना सग अनुसन्धान भइरहेको प्रहरीले जानकारी दिएको छ।