पानी मुन्तिरको सबभन्दा गहिरो गुफा पत्ता लाग्यो
प्रकाशित मिति : २०७३, १५ आश्विन शनिबार १३:५२
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
Advertisement
चेक गणतन्त्रको पूर्वीय नगर नजिकै रहेको तालको पानी मुन्तिर चारसय चार मिटर (एकहजार तीनसय फिट) मा विश्वको हालसम्मकै सर्वाधिक गहिराइमा रहेको उक्त गुफा फेला परेको जनाइएको छ ।
पोल्यान्डका किर्जिस्तोफ स्टार्नास्किको नेतृत्वमा गएको सो अन्वेषण टोली प्रमुखले हर्षित हुँदै अमेरिकाको एसोसिएटेड प्रेसलाई “गुफा पत्ता लाग्दा आफूलाई २१औँ शताव्दिको कोलम्बस” को अनुभूति भएको बताए ।
ह«ेनिस अबाइसको चुनढुङ्गा पाइने क्षेत्रमा अवस्थित उक्त ताल किर्जिस्तोफले १८ वर्ष अघि सन् १९९८ मै पत्ता लगाइ सकेका थिए ।
त्यस बखतको प्रयासमा गुफा फेला परेको थिएन । हाल उनले पानी मुन्तिर अन्वेषण गर्ने यन्त्र “स्कुबा” लाई पानी मुन्तिर दुईसय मिटरको गहिराइसम्म पठाई त्यस यन्त्रबाट आरओभी नामक कम्प्युटर रोबोट (अन्डर वाटर रोबोट) लाई चारसय चार मिटरको गहिराईसम्म प्रक्षेपण गरी उक्त गुफा पत्ता लगाएको समेत दाबी गरे ।
एक वर्षअघि पनि सन् २०१५ मा किर्जिस्तोफ आफैले २६५ मिटरसम्मको गहिराईमा गोता लगाई गुफा अझै गहिराईमा छ भन्ने बलियो अनुमान लगाएका थिए ।
यसभन्दा अघि इटालीको पोज्जो डेल मेर्रो विश्वको सर्वाधिक गहिराइमा रहेको गुफा भन्ने विश्वास गरिएको थियो ।
हालको अन्वेषणबाट इटालीको पोज्जो डेल मेर्रो भन्दा ह«ेनिस अबाइसको गहिराई अझ १२ मिटर (३९ फिट) गहिरो रहेको भन्ने पत्ता लागी पुरानो कीर्तिमान तोडी नयाँ कीर्तिमान कायम भएको छ । दक्षिणी पोल्यान्डको क्राकाउस्थित आफ्नो निवासबाट एपी समाचारदातासँग फोनमा कुराकानी गर्दै ४८ वर्षीय किर्जिस्तोफले बताए ।
साथै, यस अन्वेषण परियोजनाका लागि लागेको खर्चमध्ये करिब २० हजार युरो (२२ हजार चारसय चालिस अमेरिकी डलर) नेसनल जोग्राफिकले बेहोरेको खुलासा भएको छ । रासस÷एपी