निर्वाचनका दुई ‘अभागी’ उम्मेदवार, जो ‘आफ्नै कारणले’ हारे
प्रकाशित मिति : २०७४, २४ मंसिर आईतवार ०५:०३
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
नेपालगन्ज, २३ मंसिर । प्रतिनिधिसभा तथा प्रदेशसभा निर्वाचनको मत परिणाम देशभरबाट सार्वजनिक भइरहेको छ । मत परिणामले वाम गठबन्धनलाई निकै बलियो बनाइदिएको छ भने नेपाली कांग्रेसलाई निकै कमजोर अवस्थामा पुर्याएको छ ।
Advertisement
वाम गठबन्धन बन्दै गर्दा नयाँ शक्तिको अभियान चलाएका बाबुराम भट्टराई पनि सोही गठबन्धनमा आए । टिकट बाँड्ने बेलामा भट्टराईले आफूले जित्दै आएको गोरखा क्षेत्र नम्बर दुईलाई रोजेका थिए । उनले कुनै पनि हालतमा सो क्षेत्र छोड्न चाहेनन् । तर वाम गठबन्धनका नारायणकाजी श्रेष्ठले पनि सोही क्षेत्रमा दावी गरे ।
अन्तत भट्टराई सोही कारणले गर्दा गठबन्धनबाट बाहिरिए । भट्टराईले श्रेष्ठलाई गोरखाको क्षेत्र नम्बर एकबाट चुनावव उठ्न सुझाव दिएका थिए । तर श्रेष्ठले बाबुरामलाई पेलेर जाने धारणा राखे । माओवादीमा दोस्रो बरियतामा रहेका चु्नावी प्रतिस्पर्धामा भने बाबुरामलाई रोक्न सकेनन् ।
गोरखा क्षेत्र नम्बर एकमा चुनाव लडेको भएपनि श्रेष्ठ सेफ जोनमा हुन्थे । जहाँ अहिले पनि वाम गठबन्धनले नै अग्रता कायम गरिरहेको छ । त्यो नभए उनी समानुपातिकमा बस्न पनि सक्थे तर उनले त्यो पनि चाहेनन् । बाबुरामलाई रोक्ने उनको मानसिकता नै उनका लागि घातक बन्यो । भट्टराईले उनलाई फराकिलो मत अन्तरले गोरखा दुईमा हराइदिएका छन् ।
वाम गठबन्धनका लागि आफू सुत्रपात भएको दावी गर्ने श्रेष्ठले चुनाव हारेपछि उनी एक स्टेप ब्याक भएको विश्लेषण गर्न सकिन्छ । गोरखामा विकासका थुप्रै अभियान चलाएका भट्टराई कांग्रेसको सहयोगमा आँखा चुनाव चिन्ह लिएर चुनाव जिते । श्रेष्ठले चुनाव हारेसँगै माओवादी अध्यक्ष प्रचण्डलाई श्रेष्ठलाई व्यवस्थापन गर्न थप सहज भएको छ ।
गोरखा दुई सँगै झापा तीनमा पनि त्यस्तै परिणाम आउने लगभग पक्का भएको छ । झापा ३ मा नेपाली कांग्रेसका नेता कृष्ण सिटौला चुनाव लडिरेहका छन् जहाँ राप्राका महामन्त्री राजेन्द्र लिङदेनले सिटौलालाई चुनौती दिइरहेका छन् ।
वाम गठबन्धन बनेपछि नेपाली कांग्रेसले लोकतान्त्रिक गठबन्धन बनाउने कोशिश गर्यो । सोही क्रममा कांग्रेसले राप्रपा र राप्रपा प्रजातान्त्रिकलाई रोज्यो । सोही क्रममा झापा क्षेत्र नम्बर तीन कांग्रेसले छोड्ने निर्णय गर्यो ।
जहाँ कांग्रेसका कृष्ण सिटौलाले टिकट पाउँथे । सिटौलालाई नेपाली कांग्रेसले समानुपातिकको सुचीमा पहिलो नम्बरमा राखेको थियो । तर सिटौला पार्टी निर्णय विरुद्ध गए । जसरी पनि टिकट पाउनुपर्ने उनको माग देउवाले सम्बोधन गरे ।
सिटौलाले झापा ३ बाट टिकट त पाए तर चुनावी परिणाममा उनी निकै पछि देखिन्छन् । लिङदेनले पनि मोर्चा छोडेनन् । पार्टी नेतृत्वले कांग्रेससँग गठवन्धन गर्दा पनि झापा तीनमा राप्रपा र कांग्रेसबीच सहकार्य भएन ।
झापा ३ मा राप्रपाले २३ हजार मत ल्याउँदै गर्दा सिटौलाले १५ हजार मत ल्याएका छन् । सिटौला अहिलेसम्म ८ हजार मतले पछि परेका छन् । सम्भवत उनले पनि चुनाव हार्नेछन् ।
पार्टी सभापति शेरबहादुर देउवाको कुरा मानेर समानुपातिमा बसेको भए सिटौला सेफ हुन्थे । तर उनले त्यो चाहेनन् । झापामा ग्राउन्ड लेभलमा कमजोर बनेको कांग्रेसको अवस्था बुझ्दा बुझ्दै पनि सिटौलाले प्रत्यक्षमा चुनाव लडे ।
अन्तिम चरणमा आएर जसरी भएपनि चुनाव लडेकोमा सिटौलाप्रति मतदाताले सद्भाव राखेनन् । जुन कुरा मतपरिणामले देखाइरहेको छ ।