काठमाडौं १० माघ । आगामी २४ माघमा हुने राष्ट्रिय सभा सदस्य निर्वाचनका लागि उम्मेदवारी मनोनयन शुरु भएको छ । निर्वाचन आयोगले यसअघि सार्वजनिक गरेको निर्वाचन कार्यतालिका अनुसार बुधवार बिहान १० बजेदेखि मनोनयन शुरु भएको हो ।

Advertisement

सातवटै प्रदेशको उच्च अदालत रहेका मोरङ, धनुषा, ललितपुर, कास्की, दाङ, सुर्खेत र डोटी जिल्लाको सदरमुकाममा रहेका निर्वाचन अधिकृतका कार्यालयमा बिहान १० देखि दिउँसो ४ बजेसम्म उम्मेदवारी दर्ता शुरु भएको आयोगका प्रवक्ता नबराज ढकालले जानकारी दिए ।

उम्मेदवारले मनोनयनपत्र दर्ता गराउदा १० हजार रुपियाँ धरौटी जम्मा गरेको नगदी रसीद पेश गर्नु पर्नेछ । राष्ट्रियसभा सदस्यको निर्वाचनको मतदान माघ २४ गते बुधबारको बिहान १० बजेदेखि अपराह्न ३ बजेसम्म हुँनेछ ।