नेपालगञ्ज, चैत्र २ । टुबोर्ग तेस्रो नेपालगञ्ज गोल्डकप फूटबल प्रतियोगिता बैशाखमा हुने भएको छ । बाँके जिल्ला फूटबल संघले आज एक विज्ञप्ति निकालेर यही चैत्र ३ देखि १० गतेसम्म गर्ने  तयारी गरेको प्रतियोगिता असहज वातावरण र प्राविधिक कारणले गर्न नसकिएको जनाएको छ ।

Advertisement

संघका अध्यक्ष भोजराज शाहीद्वारा हस्ताक्षरित विज्ञप्तिमा नेपालगञ्जको प्रतिष्ठासंग जोडिएको बहुप्रतिक्षित फूटबल प्रतियोगिता निर्धारित समयमा गर्न नसकेकोप्रति दुःख व्यक्त गरिएको छ । पूर्व निर्धारित समयमा गर्न नसक्ने निर्णय पनि संघले फूटबलको विकास र हितका लागि गरेको विज्ञप्तिमा उल्लेख छ ।

यो क्षेत्रमा फूटबलको लोकप्रियता बढाउन सहयोग गरिरहेको यो प्रतियोगिताले आगामी बर्ष नेपालगञ्जमै हुने आठौं राष्ट्रिय खेलकुदलाई पनि टेवा पुग्ने विश्वास विज्ञप्तिमा गरिएको छ ।