सुर्खेत २१ चैत । मध्यपश्चिमाञ्चल विश्वविद्यालयका कार्यवाहक स्ववीयू सभापति पक्राउको विरोधमा प्रदर्शनमा उत्रिएका नेविसंघका विद्यार्थीहरुले प्रदेश ६ का मन्त्रीको गाडीमा तोडफोड गरेका छन् । विद्यार्थीहरुले भौतिक पूर्वाधार विकास मन्त्री खड्क खत्रीको गाडीमा तोडफोड गरेका हुन् ।

Advertisement

तोडफोडबाट गाडीको अगाडि भागको सीसा फुटेको प्रहरीले जनाएको छ । प्रहरीका अनुसार गाडीमा मन्त्री खत्री नभएर सांसद् धर्म रेग्मी सवार थिए ।

स्ववीयू र नेविसंघले राखेको मागको विपक्षमा एमाले र माओवादीनिकट विद्यार्थी उत्रिएपछि केही दिनअघि एकआपसमा झडप हुनख पुगेको थियो । विद्यार्थीहरु इन्जिनियररिङ संकायसँग सम्बन्धित विभिन्न मागहरु राखेर आन्दोलित छन् ।