नेपालगन्ज,३१ जेठ। फुटबल खेलको महाकुम्भ विश्वकप २०१८ आज( बिहीबार) रसियामा सुरु हुंदैछ । विश्वकप फुटबलको उद्घाटन खेल आयोजक रसिया बिरुद् साउदी अरेबिया बिच हुदैछ।

Advertisement

आयोजक रसियाको टोलीमा रक्षापंक्तिमा खेलाडीहरु घाइते समेत भएका छन् भने अर्को तर्फ साउदी अरेबियाको रक्षापंक्तिमा पनि उमेरका खेलाडीहरु धेरै छन्। दुवै टोली आफ्नो डिफेन्सका लागि नचिनिने भएकाले विश्वकपको पहिलो खेलमा धेरै गोल हुने अपेक्षा गरिएको छ ।

आजको पहिलो खेलमा सम्भावित ११ मा हुने खेलाडीहरु रसियाबाट एकिनफेभ, कुड्र्याशोभ, कुटेपोभ, ग्रानाट, झिरकोभ, गोलोभिन, झोबनिन, सामेडोभ, मिरानचुक, जागोएभ, स्मोलोभ हुनेछन।

त्यस्तै साउदी अरेबियाबाट सम्भावित ११ मा हुने खेलाडीहरुमा अल-माउफ, अल-हार्बि, ओमार हसवी, ओसामा हसवी, अल-शाहरानी, ओटेफ, अल-फाराज, अल-दवसरी, अल-जसिम, अल-सेहरी, अल-सालवि हुने छन।

फुटबल बिज्ञका अनुसार आजका दुबै टोली त्यति बलिया टोली होइनन तर पनि घरेलु समर्थकको साथबाट रसियाले फाईदा लिन सक्छ। आजको पहिलो खेल नेपाली समय अनुसार रातिको ८.४५ बजे सुरु हुने छ ।