विश्व रक्तदाता दिवस, डुडुवाद्वारा बृहत रक्तदान
प्रकाशित मिति : २०७५, ३१ जेष्ठ बिहीबार १७:००
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
नेपालगन्ज, ३१ जेठ । आज विश्व रक्तदाता दिवस विभिन्न कार्यक्रम गरी बाँकेमा पनि मनाइएको छ । बाँकेको डुडुवा गाउँपालिकाले आज विशेष कार्यक्रम गरी दिवस मनाएको छ । गाउँपालिकाको वडा नं. २ को कार्यालय बेतहनीमा गरिएको बृहत रक्तदान कार्यक्रममा ६२ जनाले रक्तदान गरेका छन् । वडाध्यक्षद्वय गजेन्द्र कैराँती र मोहनराम मिश्र, गोपीनाथ बैश्य, शसस्त्र प्रहरीका इन्सपेक्टर गंगाराम भट्ट, गाउँपालिकाका कर्मचारी कौशलकुमार कैराँती, इन्जिनियर तेजराज खड्का, पत्रकार पवन जयसवाल लगायत जनप्रतिनिधि, कर्मचारी, प्रहरी, युवा लगायतले रक्तदान गरेका थिए ।
Advertisement
रक्तदान कार्यक्रम अघि आयोजित विशेष कार्यक्रममा बाँके जिल्ला सम्न्वय समितिका उपसंयोजक ज्ञानेन्द्रकुमार चौधरीले ग्रामीण क्षेत्रमा यस्तो मानवीय सेवाको कार्यले नागरिकमा सचेतना फैलिएको भन्दै रत्तदान भनेको अरुको जीवनदान गर्नु हो भन्दै यस्तो कार्यमा सबैको सहयोगको आवश्यकता रहेको औल्याउनुभयो ।
गाउँपालिका अध्यक्ष नरेन्द्रकुमार चौधरीले भन्नुभयो—“सबैभन्दा ठुलो दान रक्तदान हो, यो दान निरन्तर गर्ने दान हो यसले अरुको ज्यान बचाएर ठुलो पुण्य कमाउने कार्य गर्दछ, ।” उहाँले ग्रामिण क्षेत्रका नागरिकमा रक्तदान गर्नुपर्ने सचेतना नभएर त्यसको उत्प्रेरणा जगाउन यस्तो कार्यक्रम गरिएको बताउनुभयो । प्रमुख चौधरीले पछिल्लो समय गाउँपालिकाका बारेमा सामाजिक संजालमा आएका विचारप्रति ध्यानाकर्षण गराउँदै केही अफवाहरुको पछि नपर्न सत्य तथ्य बुझन आग्रह गर्दै स्थानीय सरकार आफैंमा स्वायत्त रहेकाले कानुन, नीति नियम र प्रक्रिया अनुसार नै अघि बढिरहेको स्पष्ट पार्नुभयो ।
कार्यक्रममा नेपाल रेडक्रस सोसाईटीका केन्द्रीय उपसभापति अजितकुमार शर्मा, बाँके शाखा सभापति गोर्बद्धनसिंह सम्झना, ६ नं. वडाध्यक्ष मोहनराम मिश्र, गाउँकार्यपालिका सदस्य लिलावती यादव, गाउँपालिकाका प्रमुख प्रशासकिय अधिकृत दिपक कुमार पौडेल लगायतले बोल्नुभएको थियो ।
त्यस अवसरमा यस क्षेत्रमै पुरुषहरुका तर्फबाट सबैभन्दा बढी रक्तदान गर्ने गोपीनाथ बैश्य र महिलाहरुका तर्फबाट सरिता ज्ञवालीलाई दोसल्ला ओढाएर कदरपत्रले सम्मान गरिएको थियो । बैश्यले आजसम्म १५५ पटक रक्तदान गरि सक्नुभएको छ ।
रक्तदान कार्यक्रममा क्षेत्रीय रक्तसंचार केन्द्रका प्रमुख उपेन्द्र रेग्मी नेतृत्व ६ जनाको टोलीले प्राविधिक सहयोग गरेको कार्यक्रम संयोजक कौशलकुमार कैराँतीले बताउनुभयो । कार्यक्रममा रक्तदान गर्नेहरुलाई प्रमाणपत्र समेत प्रदान गरिएको थियो ।