यस्तै समूह ‘डी अन्तर्गत आजै राति हुने अर्को खेलमा नाइजेरिया र अर्जेन्टिना तथा क्रोएशिया आइसल्याण्ड भिड्दैछन् । खेल आजराति ११ः ४५ बजेपछि सुरु हुँदैछ । यस समूहबाट क्रोएशिया यसअघि नै २ खेलमा अपराजित रहँदै नकआउट चरणमा पुगिसकेको छ ।

यस्तै समूहको कठिन अवस्थामा रहेको अर्जेन्टिनाले २ खेलबाट १ अंक मात्र जोडेको छ । नकआउट चरणमा पुग्नका लागि अर्जेन्टिनाले नाइजेरियालाई हराएर मात्र पुग्दैन क्रोएशियाले आइसल्याण्डलाई पनि पराजित गर्नुपर्छ ।

यसअघि नै नकआउट चरणमा पुगिसकेको फ्रान्स डेनमार्कबिरुद्धको खेलमा हाबी हुने देखिएको छ । समूहमा फ्रान्सले ६ अंक बनाएको छ । यसअघि फ्रान्सले अष्ट्रेलिया र पेरुलाई पराजित गरेको थियो ।

डेनमार्कका लागि भने यो खेल कम्तिमा बराबरी गर्नुपर्छ । पराजित भएको अवस्थामा पेरुले अष्ट्रेलियालाई हराएमा डेनमार्क समूह उपविजेताको रुपमा प्रि—क्वाटरफाइनलमा पुग्नेछ । पेरु भने समूहबाट यसअघि नै बाहिरिइसकेको छ ।