नेपालगन्ज,१९ पुस ।पौष २६ देखि माघ ८ गतेसम्म नेपालगन्ज कृषि पर्यटन व्यापार तथा बृहत सांस्कृतिक महोत्सव २०७५ को तयारी तीव्र पारिएको छ।

Advertisement

एजी सर्भिस प्रा.लिको आयोजनामा नेपालगन्जको कारकाँदो चोक राधाकृण्ण मन्दिर नजिकैको प्रांगण मा गर्न लागेको महोत्सवको तयारी तीव्र पारिएको हो ।
नेपालगन्जमा विहिवार पत्रकार सम्मेलन गरि दिईएको जानकारी अनुसार महोत्सव स्थलको निर्माण कार्य बाहेक अन्य सम्पुर्ण तयारी अन्तीम चरणमा पुगेको प्रचारप्रसार समितिका संयोजक सुनिल रेग्मीले जानकारी दिए ।

यहि पौष २६ देखि माघ ८ गते सम्म सन्चालन हुने उक्त महोत्सवमा खुल्ला नृत्य प्रतियोगिताको समेत आयोजकले आयोजना गरेको छ ।
प्रथम पुरस्कार नगद पचास हजार सहित म्युजिक भिडियोमा समेत अवसर दिईने उक्त प्रतियोगितामा इच्छुक सबैले आवेदन फाराम भर्न सक्ने छन।

महोत्सवमा नेपाली गित संगित, कला सांस्कृतिक, भाषा पर्यटन, आन्तरिक तथा कृषि सम्बन्धि कार्यलाई अगाडी बढाई देशमा रहेका वेरोजगार युवाहरुलाई रोजगार दिने र अव्यवस्थित रुपमा रहेका उत्पादनशिल जग्गा जमिनलाई उपयोगमा ल्याई अर्गानिक कृषि बस्तु उत्पादन गरिने महोत्सवको मुख्य उद्देश्य रहेको आयोजका अध्यक्ष संयोजक नन्द बहादुर बुढाले जानकारी दिए।
महोत्सवमा राष्ट्रिय कलाकार, विराज भट्ट, निखिल उप्रेती, ज्योति मगर, चन्द्र शर्मा, सम्झना लामिछाने, यश कुमार, शान्ति श्रि परियार, दुर्गेश थापा, टंक तिमिल्सिना, सरस्वती लामा, गोपाल नेपाल जिएम, प्रमोद खरेल, करिश्मा ढकाल, अन्जली अधिकारी सुमन गिरी लगायत स्थानिय कलाकारहरुको वेजोड प्रस्तुती रहने आयोजक टिमले जानकारी गराएको छ ।

महोत्सवलाई थप आकर्षक बनाउन हेलिकप्टरको समेत प्रयोग गरिने भएको छ। महोत्सवमा आउने दर्शकहरुले हेलिकप्टरमा चढि बाँके जिल्लाका विभिन्न पर्यटकिय स्थलहरुको अवलोकन गर्न सक्ने छन। हेलिकप्टरमा भ्रमण गर्नको लागि चाहिँ तोकिएको निश्चित रकम लाग्ने आयोजकले बताएको छ।

पत्रकार सम्मेलनमा बोल्दै महोत्सव टिमका संयोजक बुढाले दुई किसिमको टिकट दर रेट रहेको जानकारी गराउनुभयो जसमा ५० रुपैया र विद्यार्थीका लागि ४० रुपैया टिकट दररेट राखिएको जनाउनुभयो ।
महोत्सवमा ३ सय बढि स्टल रहने छ । महोत्सव अवधिभर १ लाख दर्शकले महोत्सवको अवलोकन गर्ने लक्ष्य आयोजकले राखेको छ ।