नेपालगन्ज । नेपालगन्जका तीन सरकारी  कार्यालयमा बुधबार  अख्तियारले छापा मारेको छ। अख्तियार दुरूपयोग अनुसन्धान आयोग वुटवल सम्पर्क कार्यालय नेपालगन्जले बिशेष सुराकीका आधारमा  नेपालगन्ज भन्सार, खाद्य प्रविधी तथा गुण नियन्त्रण र यातायात कार्यालयमा छापा मारेको अख्तियार दुरूपयोग अनुसन्धान आयोग नेपालगन्ज कार्यालयका प्रमुुख  गणेश गैरले जानकारी दिएका छन् ।

Advertisement

गैरका अनुसार भन्सार कार्यालयबाट एक जना कर्मचारी सहित  ५२ हजार नगद र खाद्य प्रविधि तथा गुण नियन्त्रण कार्यालयबाट एक जना कर्मचारी  नगद ३५ हजारसहित रंगेहात पक्राउ परेका छन् । अख्तियारले यातायात कार्यालयमा छापा मारी त्यहाँबाट केही कागतजात नियन्त्रणमा लिएको प्रमुख गैरले बताए । पक्राउ परेका भन्सार, खाद्य प्रविधी तथा गुण नियन्त्रण कार्यालयका एक-एक जना कर्मचारी अख्तियारको नियन्त्रणमा छन् ।