नेपालगन्ज । जिल्ला प्रहरी  बाँकेले  नेत्र विक्रम चन्द (विप्लब) नेतृत्व  चार जना कार्यकर्तालाई  पक्राउ गरेको छ । प्रहरीले  विभिन्न मुद्दामा अनुसन्धान गर्न विप्लब नेतृत्वको नेकपाका तीन जना कार्यकर्तालाई जिल्लाका विभिन्न स्थानबाट नियन्त्रणमा लिइएको बाँके प्रहरीले जनाएको छ ।

Advertisement

गोप्य सूचनाको आधारमा अनुसन्धानका लागि नियन्त्रणमा लिइएको बाँकेका प्रहरी प्रमुख प्रहरी उपरिक्षक अरुण पौडेलले जानकारी दिनुभयो । प्रहरी प्रमुख पौडेलले अहिले अनुसन्धान भइरहेको र अनुसन्धानपछि मात्र दोषी वा निर्दोष पत्ता लाग्ने बताउनुभयो ।

पक्राउ पर्नेहरुमा बैजनाथ गाउँपालिका–१, चिसापानी बस्ने कृष्णबहादुर शाही, सल्यान घर भई नेपालगन्ज उपमहानगरपालिका–२० मा चित्रबहादुर बिक ‘कुमाख’, हुम्ला घर भई कोहलपुर–११ मा बस्दै आएका दानबहादुर खड्का र राप्तीसोनारी गाउँपालिका–१ का सन्तोष खड्का रहेका छन् ।