पर्सा।आइतबार साँझ बारा र पर्सामा आएको हावा र हुरीले  मृत्यु भएका ३० जना बढीको परिवारलाई प्रदेश सरकारले जनही ३ लाख रुपैयाँ दिने निर्णय गरेको छ । सोमबार बिहान बसेको २ नम्बर प्रदेश मन्त्री परिषद्को बैठकले यस्तो निर्णय गरेको हो । बैठकले घाइतेको उपचार गर्ने, घरवार विहिन भएकालाई वासस्थानको व्यवस्थापन गर्ने निर्णय गरेको छ ।

Advertisement

मुख्य मन्त्रीको नेतृत्वमा प्रदेश २ का मन्त्रीहरु अहिले घटनास्थल जाँदै छन् । आइतबार राति बारा र पर्साका विभिन्न ठाउँमा असिनापानीसँगै आएको हावाहुरीबाट ३० जनाभन्दा बढीको मृत्यु भएको छ । कलैया, वीरगञ्ज लगायतका अस्पतालहरुमा ५ सय भन्दा बढी घाइतेहरु उपचारत छन् ।