बिरगंज अस्पतालमा समेत बत्ती छैन, हावा हुरीले २ हजार बिजुलाका पोल ढले
प्रकाशित मिति : २०७५, १८ चैत्र सोमबार १६:०७
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
तस्बिर: गिरिश गिरी
बिरगंज ।आइतबार राति चलेको हावाहुरीले बारा र पर्सामा झन्डै २ हजार बिजुलीका पोल ढालेपछि वीरगञ्ज महानगरलगायत बाराका ग्रामीण क्षेत्रमा बिजुली अवरूद्ध भएको छ।नेपाल विद्युत प्राधिकरण हेटौंडा क्षेत्रीय कार्यालयका प्रमुख नवराज सुवेदीका अनुसार वीरगञ्जमा हेटौंडाबाट जाने राष्ट्रिय प्रसारण लाइन र भारतबाट आउने लाइनमा पोल र टावर ढलेका छन्।
Advertisement
‘पर्सामा मात्र ४ सय वटा पोल ढलेका छन्। बाराका गाउँमा १५ सय बढी पोल ढलेको र थुप्रै ट्रान्सफर उडाएको छ। प्राविधिकले अध्ययन गरिरहेका छन्,’ सुवेदीले भने,‘हामी अहिले वीरगञ्जमा भारतबाट ३३ केभीको लाइनबाट बिजुली ल्याउन प्रयास गरिरहेका छौं।’
प्राधिकरणले हावाहुरीले पोल ढाल्दा र ट्रान्सफर्मर उडाउँदा १० देखि १५ करोड बराबरको क्षति भएको जनाएको छ।सुवेदीले पोल र टावर ढलेपछि वीरगञ्जका अस्पतालमा पनि बिजुली अवरूद्ध भएको बताए।
‘उहाँहरू डिजेल वा सोलारबाट चलाइरहनु भएको होला। अस्पताल र खानेपानीलगायत अत्यावश्यक सेवाका लागि आज साँझसम्म बिजुली दिने गरी काम भइरहेको छ,’ सुवेदीले भने, ‘ वीरगञ्जवासी सबैलाई बिजुली दिन त भोलिसम्म लाग्न सक्छ।’
उनका अनुसार बारा सदरमुकाम कलैयाको केही भागमा भने अहिले पनि बिजुली सुचारू छ। तर हुरी प्रभावित गाउँपालिकामा पोल र ट्रान्सफर्म नै क्षति भएकाले बिजुली दिन केही दिन समय लाग्ने प्राधिकरणले जनाएको छ।सेतोपाटीबाट।