दाङ ।आठौं राष्ट्रिय खेलकुदमा सेनाको दबदबा कायम रहेको छ।आठौं राष्ट्रिय खेलकुद अन्तर्गत एथ्लेटिक्सको पुरुष १ सय १० मिटर हडल्समा सेनाले स्वर्ण जितेको छ । आईतबार बिहान भएको खेलमा सेनाका निर बहादुर चौधरीले स्वर्ण जितेका हुन् ।

Advertisement

उनले निर्धारित दुरी १५ दशमलव ५६ सेकेन्डमा पुरा गरे ।यस्तै पुलिसका चन्द्र देव जोशी दोस्रो भए । सेनाका अशोक कुँवर क्षेत्री तेस्रो भए । जोशीले १५ दशमलव ६७ सेकेन्डको समय लगाए। कुँवरले १६ दशमलव ७० को समय निकाले ।

आजै एथ्लेटिक्सतर्फ पुरुषको ११० मिटर हडल्स फाईनल सहित महिलाको १०० मिटर फाईनल, महिला पुरुषको ४ सय मिटर फाईनल, महिला पुरुषको ५ हजार मिटर फाईनल, महिला पुरुषको ट्रिपल जम्प फाईनल र महिला पुरुषको ४ बाई ४ सय मिटर फाईनलका खेल हुदैछन् ।