काठमाडौं । नेपाली कांग्रेसका सभापति शेरबहादुर देउवाले चुनावमा पार्टीलाई हराउनेहरु पाटीभित्र बलशाली भएकाले पार्टी संकटमा फसेको दाबी गर्नुभयो ।
आज काठमाण्डौमा आयोजित प्रजातान्त्रिक विचार समाजको ११ औं राष्ट्रिय महाधिवेशनमा बोल्दै सभापति देउवाले पार्टीलाई हराउने अन्तरघातीहरुलाई कारबाही गर्न समेत आफूले पार्टीका नेताहरुबाट सहयोग नपाएको गुनासो गर्नुभयो ।

Advertisement

उहाँले चुनावमा पार्टीलाई जिताउने गरी काममा जुट्न पार्टीका नेता–कार्यकर्तालाई निर्देशन दिनुभयो । सभापति देउवाले दुई कम्युनिष्ट पार्टी मिल्दा पार्टीले पराजय भोगेको तर हारको दोष आफूलाई मात्रै लाउने गरेकोमा आपत्ति जनाउनुभयो । उहाँले आफूलाई मात्रै आरोप लगाएर पार्टीका नेताहरुले गैरप्रजातान्त्रिक गतिविधि गरिरहेको बताउनुभयो ।