नेपालगञ्ज ।नेपालगञ्जमा कार्यरत एक जना पत्रकार पुरस्कृत भएका छन् । पुरस्कृत हुनेमा प्रिया स्मृति ढकाल रहेका छन् । उनी  सामुदायिक रेडियो पत्रकारिता पुरस्कारबाट पुरस्कृत भएका हुन् ।सामुदायिक रेडियो प्रसारक संघले सञ्चालन गरेको सामुदायिक सूचना नेटवर्क(सिआइएन) ले पहिलो पटक आफ्नो दशौं बार्षिकोत्सबमा प्रदान गरेको सामुदायिक रेडियो पत्रकारिता पुरस्कारबाट ढकाल पुरस्कृत भएका हुन् । उनी रेडियो सद्भावका समाचार प्रमुख हुन् ।

Advertisement

राजधानीमा आज आयोजित सिआइएनको बार्षिकोत्सब समारोहमा सभामुख कृष्ण बहादुर महराले ढकाललाई पुरस्कृत गर्नुभएको हो । सिआइएनसंग सहकार्य गरिरहेका रेडियोहरुमा कार्यरत पत्रकारहरुले रेडियो पत्रकारिता मार्फत् समाज रुपान्तरणमा पुर्याएको योगदानको मूल्यांकन गर्दै अबदेखि प्रत्येक बर्ष देशभरका सामुदायिक रेडियोका एक जना पत्रकारलाई यो पुरस्कार प्रदान गरिने सामुदायिक रेडियो प्रशारक संघका अध्यक्ष सुवास खतिवडाले बताउनुभयो ।