काठमाडौं । एक जना हत्यारा १९ बर्ष पछि पक्राउ परेका छन् ।भक्तपुरको कटुञ्जेकी बिजयश्वरी प्रजापतिको हत्यामा संलग्नलाई प्रहरीले पक्राउ गरेको छ । हत्यामा संलग्न पर्साको सुवर्णपुरका रमन अधिकारीलाई १९ वर्षपछि प्रहरीले आइतबार रुपन्देहीको सिद्धार्थ नगरपालिका १ बेलहियाबाट प्रकाउ गरेको हो ।

Advertisement

पक्राउ परेका अधिकारी घरेलु कामदारका रुपमा बिजयश्वरीकै घरमा थिए । बिजयश्वरीका श्रीमान तुल्सीभक्त प्रजापतिले पर्सामा डीएफओ हुँदा अधिकारी करार कर्मचारी थिए ।

तुल्सीभक्त सरुवा भएर मध्यामाञ्चल क्षेत्रीय वन कार्यालय हेटौंडामा गएपछि अधिकारीलाई आफ्नो घरमा कामदारका रुपमा लिएका थिए । उनै अधिकारीले २०५७ असार ८ गते घरमै बिजयश्वरीको हत्या गरेर फरार भएका थिए ।