नेपालगन्ज ।नेपालगन्जमा सन्चालन भएको आधारभूत तहको हाजिरीजवाफ प्रतियोगितामा नेपालगन्ज वडा नम्बर २० स्थित आदर्श उच्च माबी राझाँ प्रथम भएको छ। त्यस्तै प्रतियोगितामा वडा नम्बर १० को प्रभात मेमोरियल स्कुलले दोस्रो स्थान हासिल गरेको छ।नेपालगन्ज उपमहानगरपालिका शिक्षा युवा तथा खेलकुद शाखाको आयोजनामा सम्पन्न भएको उक्त हाजिरीजवाफ प्रतियोगितामा नेपालगन्ज उपमहानगरपालिका भित्रका ३३ बिधालयहरुको सहभागीता रहेको थियो। प्रतियोगितामा भेरी इङ्लिश मिडियम स्कुल तेस्रो भएको थियो।

Advertisement

बिजेता र उप- बिजेता भएका बिधालयलाई उपमहानगरपालिकाकि उप प्रमुख उमा थापा मगरले पुरस्कर तथा प्रमाणपत्र प्रदान गर्नु भएको थियो। प्रतियोगितामा प्रथम हुनेले १० हजार,दोश्रोले ८ हजार र तेस्रोले ६ हजार नगद रुपैयाँ प्राप्त गरेका थिए भने सान्त्वना हुने जिभिएन स्कुलले ३ हजार रुपैयाँ प्राप्त गरेको छ।

शिक्षा शाखा प्रमुख गोरख थापाको अध्यक्षता र उप प्रमुख उमा थापा मगरको प्रमुख आथित्यमा सम्पन्न कार्यक्रममा बिभिन्न्न स्कुलका शिक्षकहरु लगायत अन्यको सहभागिता रहेको थियो।