शंकर केसी/सल्यान । एक वडा कार्यालयमा आगजनी भएको छ।सल्यानमा अज्ञात समूहले एक वडा कार्यालयमा आगजनी गरेको छ। जिल्लाको छत्रेश्वरी गाउँपालिका वडा नं ३ को मुलखोलामा रहेको ३ नम्बर वडा कार्यालयमा अज्ञात समुहले मध्यरातमा आगजनी गरेको छ । आगजनी वाट कार्यालय पूर्ण रुपमा जलेर नष्ट भएको ईलाका प्रहरी कार्यालय लुहामले जानकारी दिएको छ ।

Advertisement

दुई वटा कोठामा रहेको वडा कार्यालयमा आगलागी हुँदा महत्वपूर्ण कागजात संगै ल्यापटप, कम्पुटर, फोटोकपी मेसिन, सोलार प्यानल, कुर्सी, कार्पेट जस्ता सामान जलेर नष्ट भएको वडा अध्यक्ष राजबहादुर बुढाथोकीले जानकारी दिए । कार्यालयको प्रशासन कक्ष र प्राविधिक कक्ष दुबैमा रहेका सामान जलेर नष्ट भएका छन् । आगलागी भएको थाहा पाएपछी स्थानीय सर्वसाधारण राति नै आगो निभाउन खटिएका थिए ।