हुम्ला। मंगलबार कर्णाली नदीमा खसेको जिप अहिले सम्म पत्ता लागेको छैन्।हुम्लाको खर्पुनाथ गाउँपालिका–५ स्थित कर्णाली नदीमा बेपत्ता भएको जीप खोज्न सशस्त्र प्रहरी बल, कुरिनटारको गोताखोर टोली घटनास्थलतर्फ प्रस्थान गरेको छ ।

Advertisement

सशस्त्र प्रहरी निरीक्षक लक्ष्मणबहादुर बस्नेतको नेतृत्वमा ४ जनाको गोताखोर टोली घटनास्थलमा पुगेको हो ।हुम्लाको खार्पुनाथमा भएको जीप दुर्घटनामा बेपत्ता खार्पुनाथ गाउँपालिकाका उपाध्यक्षको झोला र अन्य कपडा फेला परेको छ।

नेपाली सेना र प्रहरीले कर्णाली नदीमा पसेर खोजतलास गर्ने क्रममा झोला र कपडा फेला परेको याङ्चु प्रहरी चौकीले जानकारी दिएको छ।जीप दुर्घटनामा हुम्ला  खार्पुनाथ गाउँपालिकाका उपाध्यक्ष सिन्धु शाही हमालसहित १० जना यात्रु बेपत्ता भएका छन् ।