नेपालगन्ज । नेपालगन्जको अति  ब्यस्त स्थानबाट दिनदहाडै मोटरसाइकल चोरी भएको छ। नेपालगन्जको सुर्खेत रोड स्थित एनआइसी बैंक अगाडी रोकिराखेको भे ८ प ६९४५ नम्बरको मोटरसाइकल मंगलबार दिउँसो चोरी भएको छ।

Advertisement

मोटरसाइकल चढेर आएका जानकी गाउँपालिका वडा नं ५ का लबकुश यादब बैंकमा पैसा झिक्न एनआइसी बैंक भित्र गएर आउँदा उनको मोटरसाइकल गायब भयो। ‘कसेकम बैंक भित्र १० मिनेट के बसेको थिए,बाहिर आउँदा मोटरसाइकल गायब भएछ। यस्तो ब्यस्त स्थान र सिसीटिभी भएको ठाउमा यति चाडँो चोरी हुँदा अचम्म लागेर आयो’ यादबले भने।

नेपालगन्जमा चोरीको बिगबिगि बढीरहेको समयमा यसरी दिउसै अति ब्यस्त स्थानबाट चोरीहुनुले चोरहरु मौलाउदै गएको बुझ्न सकिन्छ । सोमबार मात्रै प्रहरी विभिन्न स्थानहरुमा चोरी गर्ने गिरोहका एक जनालाई पक्राउ गरेकै अर्को दिननै चोरी भएको छ।