‘विप्लव’ नेतृत्वका राप्ती ब्युरो सदस्य वली रिहा भएलगत्तै तेस्रो पटक पक्राउ
प्रकाशित मिति : २०७६, ११ श्रावण शनिबार १२:५५
तपाईको प्रतिक्रिया
Notice: WP_Query was called with an argument that is deprecated since version 3.1.0!
caller_get_posts is deprecated. Use ignore_sticky_posts instead. in /home/mysites/repo/bageshworipost/public_html/wp-includes/functions.php on line 4663
Advertisement
पछिल्लो पटक सर्वोच्च अदालतमा परेको बन्दी प्रत्यक्षीकरणको रिट बमोजिम साउन १० मा जिल्ला अदातल रोल्पाबाट रिहा भएका वलीलाई अदातल परिसरबाटै प्रहरीले पुनः पक्राउ गरेको हो । गत बैसाख ६ गते दाङ तुल्सीपुरबाट पक्राउ परेका उनलाई रिहा गर्न सर्वोच्चले आदेश दिए पनि पुनः पक्राउ परेका थिए । पक्राउपछि वलीलाई प्युठान लगिएको बताइएको छ ।
विभिन्न जिल्लाका हिरासतमा समेत वलीले १ सय दिन बिताइसकेका छन् । संगठित अपराध र राज्यविरुद्ध अपराधमा वलीलाई मुद्दा चलाइएको छ । वलीसँगै गिरप्तार भएका सोही पार्टीका केन्द्रीय सदस्य चूडामणि वली आदर्श र चन्द्रबहादुर खड्का भने अदालतको आदेशले सुनसरीबाट रिहा भइसकेका छन् ।
सरकारको प्रतिबन्धपछि नेकपाका रोल्पाका डेढ दर्जनभन्दा बढी नेता कार्यकर्ता पक्राउ परिसकेका छन् । यसरी पक्राउ पर्नेमा पार्टीप्रति सामान्य आस्था राख्ने सर्वसाधारणदेखि जिल्ला स्तरीय नेतासम्म छन् ।
पूर्वी रोल्पाको पाङबाट पक्राउ परेका सो पार्टीको जिल्ला इन्चार्ज जयप्रकाश रोका, धनबहादुर खत्री र भुपेन्द्र खड्कालाई पुर्पक्षका लागि कारागार चलान गरिएको छ । त्यसअघि पार्टी सुभेच्छुक खैराम महरासहित अर्का व्यक्ति जेल चलान भइसकेका थिए । पुर्पक्षका लागि भन्दै सो पार्टीका ५ नेता कार्यकर्तालाई जेल चलान गरिसकिएको छ ।
सो पार्टीका ६ नेता कार्यकर्तालाई जिल्ला प्रहरी कार्यालय रोल्पाको हिरासतमा राखिएको छ । हिरासत रहेका नेता कार्यकर्तामा गंगोदव गाउँपालिकाका लालबहादुर वली, सुनिल स्मृति गाउँपालिकाका प्रदीप कुवँर, माडी गाउँपालिकाका सन्दीप वली, दिनेश वली, श्याम घर्ती र गणेश घर्ती रहेका छन् ।
वलीलाई सोही पार्टीका केन्द्रीय सदस्य चूडामणि वलीसँगै प्रहरीले दाङबाट गिरफ्तार गरेको थियो । बन्दी प्रत्यक्षीकरणको रिट अन्तर्गत सर्वोच्च अदालतले रिहाइका लागि दुई पटक आदेश दिइसके पनि उनलाई प्रहरीले पटकपटक मुद्दा लगाउँदै आएको छ ।