नेपालगन्ज ।नेपालगन्ज उपमहानगरपालिका भित्र अहिलेकाे एउटा जटिल समस्या भनेकाे छाडा चौपाया हो। छाडा चौपायाले गर्दा नगरको सौन्दर्य लगायत दुर्घटना समेत निम्त्याएको छ।

Advertisement

अब यस समस्यालाई कसरी ब्यबस्थापन र न्यूनिकरण गर्न सकिन्छ भनेर नेपालगन्ज उपमहानगरपालिका र एनिमल नेपाल बिच बुधवार महत्वपूर्ण छलफल भएको छ। नेपालगन्ज उपमहानगरपालिका उप- प्रमुख उमा थापा मगर सग ब्रिटेनका रोबिन ब्र्याडि, एनिमल नेपालका कार्यकारी निर्देशक हरि जोशी,एनिमल नेपालकै सुचना अधिकृत राधा गुरुङ , एनिमल नेपाल नेपालगन्ज का प्रमुख रेखा श्रेष्ठले छलफल गरी कान्जी हाउसको समेत अबलोकन गरेका थिए।

छलफलका क्रममा रोबिन र जोशीले अब नेपालगन्ज उपमहानगरपालिका भित्र रहेका छाडा चौपायालाई कसरी ब्यबस्थापन गर्ने बारे एनिमल नेपालले कस्तो भुमिका खेल्न सक्छ भनेर उप-प्रमुख थापा मगरसग जिज्ञासा राखेका थिए ।

उप-प्रमुख थापाले छाडा चौपाया नेपालगन्जकै समस्या भएकोले अब यसको ब्यबस्थापनमा एनिमल नेपालले पनि आफ्नो तर्फबाट सहयोग गर्न सक्ने कुरा बताएको एनिमल नेपाल नेपालगन्ज प्रमुख श्रेष्ठले बताइन् ।