नेपालगञ्ज । नेपालगञ्ज उपमहानगरपालिका वडा नम्बर २२ पुरैनीले मंगलबारदेखि वडा कार्यालयबाटै सामाजिक सुरक्षा भत्ता वितरण सुरु गरेको छ । वडा अध्यक्ष विद्याराम वर्माले प्रभु बैंकसँग सहकार्य गरि वडाबाटै सामाजिक सुरक्षा भत्ता वितरण सुरु गरेको जानकारी दिनुभयो । वडा कार्यालयमै भत्ता पाउने भएपछि जेष्ठ नागरिक लगायत वडा कार्यालयमा पुगेका छन् । भत्ता वितरण कार्य बुधबारसम्म चल्नेछ । बुधबारसम्म पनि भत्ता लिन नपाएकाहरुका लागि पछि छुट्टै ब्यवस्था गरिने भएको छ । पुरैनीमा सामाजिक सुरक्षा भत्ता प्राप्त गर्ने ४०३ जना रहेका छन् ।

Advertisement