नेपालगन्ज ।नेपालगन्जको सिमाबर्ती बजार रुपैडिहामा ट्याङ्करले ठक्कर दिदा  २  जना नेपाली महिलाको ज्यान गएको छ।  घरायसी सामन खरिद गर्न शुक्रबार  भारतीय सिमा बजार रुपैडिहा पुगेका बाँके कोहलपुरका २ नेपाली महिलाहरुलाई ट्याङकरले ठक्कर दिएको हो।

Advertisement

रुपैडिहाबाट नेपालगन्ज फर्कदैं गरेको अवस्थामा आशा सिंह भट्टराई र जुनु थपलिया सवार भे ४ प ३८२४ नम्बरको मोटरसाईकललाई  नेपाली ट्याङकरले ठक्कर दिएको रुपैडिहा प्रहरी थानाले  जनाएको छ । ठक्करबाट मोटरसाईकल चालक भट्टराईको घटनास्थलमै ज्यान गयो भने थपलियाको उपचारका क्रममा मृत्यु भएको  रुपैडिहा प्रहरीले जनाएको छ ।

ठक्कर दिएलगत्तै ट्याङ्करले किचेका करण आशाको ज्यान गएको हो । रुपैडिहा प्रहरीले ट्याङकरको चक्का  निकालेर भट्टराईको शव बाहिर निकालेको थियो । मृतक दुबैलाई पोष्टमार्टमकालागि भारतको बहराईच लगिएको छ ।घटनाको बाँके प्रहरीले पुष्टि गरेको छ । घटना स्थल भारतमा पर्ने भएकाले घटना सम्बन्धि सम्पूर्ण कारबाहि प्रक्रिया भारतीय प्रहरीकै मातहतमा रहने जिल्ला प्रहरी कार्यालय बाँकेले जनाएको छ ।