काठमाडौं । राष्ट्रिय योजना आयोगका एक जना कर्मचारी सिंहदरबारमा मृत फेला परेका छन् । नायव सुब्बा बच्चु केसी सिंहदरबारस्थित कार्यालयमा मृत अवस्थामा  लडिरहेको  भेटिएका हुन् ।

Advertisement

उनले विष सेवन गरेर आत्महत्या गरेको आशंका छ । महानरीय प्रहरी परिसर काठमाडौंका डीएसपी होविन्द्र बोगटीले एक कर्मचारीले आत्महत्या गरेको खबर आएपछि प्रहरी टोली गएर अनुसन्धान थालेको बताए ।

काठमाडौं प्रहरी प्रमुख एसएसपी उत्तमराज सुवेदीका अनुसार अहिले फरेन्सिक र सिन अफ क्राइम वि‍‌ज्ञ टोली घटनस्थलमा पुगेको छ। उनले भने ‘प्रारम्भिक चरणमा अपराधस्थलको संरक्षण गरेर सबुत संकलन प्रक्रिया थालिनेछ।’मृतक केसी कीर्तिपुर नगरपालिका टौदहका हुन् ।