कोहलपुर । बाँकेमा सवारी चालकहरुको स्वास्थ्य जाँच गरिएको छ। जिल्ला ट्राफिक प्रहरी कार्यालय बाँकेको आयोजनामा बैजनाथ गाउँपालिकाको सम्झनामा सवारी चालकहरुको स्वास्थ्य जाँच गरिएको हो। जिल्ला ट्राफिक प्रहरी बाँके प्रमुख प्रहरी निरीक्षक पबिन्द्र बमका अनुसार पुर्ब देखि पश्चिम् र पश्चिम देखि पुर्ब तर्फ जाने गाडीका १६० जना चालकहरुको स्वास्थ्य जाँच गरिएको हो। दुर्घटना न्यूनिकरणका लागि बाँके ट्राफिकले सबैभन्दा पहिला चालकले स्वास्थ्य भएर गाडी चलाउन अनुरोध समेत गरेको छ। ट्राफिक प्रहरीले चालेको ट्राफिक अभियान अन्तर्गत आज चालकको स्वास्थ्य परिक्षण गरिएको हो। स्वास्थ्य जाँच का क्रममा तीन जना चिकित्सकहरुले चालकहरुको स्वास्थ्य परिक्षण गरेका थिए।

Advertisement